Ab vo mujhse baat
nahi karta
Karta bhi hai tto
aise jaise kuch hua hi nahi
Par kuch tto hua
hai ke baat nahi hoti
Hoti bhi hai tto
vo baat nahi hai...
Roothna uski
aadat mae shaamil hai
Aur hum khudgarz
humesha se hi thae
Mushkil se
basti-e-saahil dikhti hai jab bhi
Kashti dariya se
zyaada hawaa ka rukh pakad leti hai
Ishq ab bhi hai
shaayad par hoti mulaaqt nahi hai....
Lafzon se zyaada
sannatae bolte hain darmiyaan
Garajtae hain
adheron mae soch ke baadal
Barsaat rehti hain
aankhon mae
Barasti bhi hai
kabhi kabhi
Raat hoti hai par
ab vo raat nahi hai...
No comments:
Post a Comment