Hijaab

na jaane kis cheez ka hisaab rakhoon,
zehen ki karvat ya lafzon ki kitaab rakhoon

ho jaaye na rusvaa voh mere aks se
aage aaiina ya chehre pe naqaab rakhoon

yeh toh socha na tha aazmaate waqt
kaante bhi chubhenge daaman mae jo gulaab rakhoon

‘ishq’ hai humae aur izhaar-e-nazm hai yeh
kyon qaatil-e-mehboob se hijaab rakhoon


-ishQ

25th July 2008

Sookhi Daali

aankhen bhari aur dil khaali hai
bheegi hawaa sookhi daali hai

din be-rang guzar jaata hai
raat andhere se bhi kaali hai

lamhaa ruka hai ek ishaare ko
saanso mae zindagi guzarne waali hai

ishQ
19th July 08