Kisi ne kisi ko pyaar se bulaaya tto tum yaad aayi
Tumhaari
hi daant yaad aayi jab kisi ki daant suni
Kuch naya
mila tto laga kaash tum hoti yehaan
Kuch
khoya tto pata tha tum hoti tto khoj deti
Bukhaar
ho tto tum dawaa
Bijli chali jaati thi tto tum hawaa
Imtehaan ke waqt tum meri ghadi
Galti kii tto tum hi thi chhadi
Mujhe chot lagi tto tumhaara seena tha
Meri har mehnat dar-asal tumhaara paseena tha
Tumko jaane-anjaane maine bas sataaya hai
Phir bhi tumhaara pyaar badhtaa hi paaya hai
Jaane tum kis mitti ki bani ho?
Kaise tum mere saare ehsaas bin kahe jaan leti thi?
Meri har zidd tum bas yu hi maan leti thi !
aisa kabhi nahi hua ke maine kuch maanga
aur tumne la ke nahi diya
na jaane ye jadoo har baar
tumne kaise kiya?
Tum pe likhna chahoon tto likhta hi jaunga
Ruku kaise, kahaan tumhaara anth paunga?
Tumne di hai meri awaaz mujhe
Tumhaari godh mae hi mili hai har saans mujhe
Tumse hi main, meri soch, meri har baat hai
Kyonki, tumse hi meri shuruaat hai
Tum meri duniya ka sach ho
Tum mere liye sab kuch ho.