Inaad

kis kis inaad ki fariyaad karoon
zulf, aanchal, parde ko yaad karoon

aaj phir na deedar huya uss chehre ka
kis mukhde se aaj irshaad karoon

rangeen hijaab mae jo sarbastah hai
kaise dil-e-asir ko usse azaad karoon

kab tak ik aks naaib rahega uska
kab tak “ishq” ki muraad karoon

- ishQ


inaad – enmity / hostility
fariyaad - complaint
dil-e-asir – prisoner heart
naaib – deputy / substitute

Chaah Nahi Karta....

aa jaaye na taras tujhe meri tabdeeli pe
issliye teri gali ki maiin raah nahi karta

meri nisbat se mera raqeeb mayoos na ho jaaye
yeh soch kar main tujhe rusvaah nahi karta

behosh nahi honae deti din ki roshni
aur shab ko kambakht maah siyaah nahi karta

kuch hain jee rahe hain iss be-khayaali mae
ik ‘ishq’ hi hai shaayad jo teri chaah nahi karta


ishQ

Nisbat - comparison

Maah - Moon